Сагсан бөмбөгийн “FIBA  Asia Cup 2025 Pre Qualifier”  тэмцээний хоёрдугаар шатны хуваарь гарсан байна. Манай улсын шигшээ баг тэмцээний “F” хэсэгт орсон. Энэ хэсэгт Сингапур, Хонконг, Гуам, Малайз, Тайландын багуудтай орсон байгаа.

        Тэмцээний хоёрдугаар шатанд, нэгдүгээр шатанд тоглосон багуудтай дахин тоглохгүй. Харин өмнөх тэмцээнд хоорондоо тоглосон амжилтаа авч орж байгаа аж. Монгол Улсын сагсан бөмбөгийн баг өмнөх тэмцээнээс нэг хожил (Малайзыг хожсон), нэг хожигдол (Тайландад хожигдсон) гэсэн амжилттай орж байгаа юм.

       Манай багийн орж байгаа “F” хэсгийн зургаан багаас дөрвөн баг нь дараагийн Азийн аваргын урьдчилсан шатанд тоглох эрхийг авна. Ирэх сарын 24-ний өдөр манай баг, Хонконгийн багтай тоглоно. Харин 25-ны өдөр Сингапур Улсын багтай, 26-ны өдөр Гуам Улсын багтай тоглох хуваарь гарчээ.