Төрийн ордонд өнөөдөр Монгол Улсын Үндсэн хуулийн өдрийг тохиолдуулан Улсын Их Хурлын даргын ивээл дор зохион байгуулж буй шатар сонирхогчдын улсын аварга шалгаруулах 11 дэх удаагийн тэмцээн эхэллээ.Тус тэмцээн нь гурван үе шаттайгаар явагдаж шигшээ тэмцээн нь ийнхүү эхэлж байна. Тэмцээн маргааш өндөрлөж дүнгээ гаргана.

      Анхан шатны тэмцээн нь 2022 оны арваннэгдүгээр сарын 26-27-ны өдрүүдэд сум, дүүргийн аварга шалгаруулах тэмцээнээр эхэлж явагдсан. Харин хагас шигшээ тэмцээн нь 2022 оны арванхоёрдугаар сарын 17-18-ны өдрүүдэд аймаг, нийслэлийн аварга шалгаруулах тэмцээнээр явагдаж шигшээ тэмцээн, улсын аваргад оролцох тамирчдыг тодруулсан юм. Тэмцээний ерөнхий зохион байгуулагчаар УИХ-ын Тамгын газар, хамтран зохион байгуулагчаар Монголын шатрын холбоо ажиллаж байна.