Уран сайхны гимнастикийн 2022 оны Улаанбаатар хотын аварга шалгаруулах тэмцээн арванхоёрдугаар сарын 17-18 -ны өдрүүдэд Чингэлтэй дүүргийн спортын ордонд амжилттай зохион байгуулагдав. Энэ удаагийн тэмцээнд 10 байгууллагын 220 гаруй тамирчид оролцлоо.

       Энэ оны отгон тэмцээний нээлтийн ажиллагаанд МГХ-ны Уран сайхны гимнастикийн техникийн хорооны дарга, Уран сайхны гимнастикийн ОУХМ, Олон улсын шүүгч, Доктор (Ph.D), профессор Б.Бат-Отгон, МГХ-ны Ерөнхий нарийн бичгийн дарга бөгөөд Гүйцэтгэх захирал Г.Ерөөлбат нар оролцож, үг хэлэв. Тэмцээнийг шинээр олон улсын шүүгчийн эрх авсан шинэ шүүгчид шүүж оролцсоноороо онцлог байлаа.

      Тэмцээний “A” ангиллын тэргүүн байрыг Г.Гүнчинмаа “Болор” клуб, “B” ангилалд  Б.Номин-Эрдэнэ “Шигтгээ” клубийн тамирчин тэргүүн байр оров. Харин зулуучуудын “A” зэрэглэлийн ангилалд У.Айыына “Халиун” клуб, “В” ангилалд Ч.Мичид-Эрдэнэ “Болор” клуб, “C” ангилалд  А.Сарангуа “Бадмаараг” клубийн тамирчин тэргүүн байрт шалгарсан байна.