Дархан-Уул аймгийн Засаг даргын нэрэмжит “Бид эх орны ирээдүй 2022 төсөл” тэмцээн боллоо. Тус төслийн хүрээнд эхний үе шатанд нйаман төрлийн тэмцээн, дөрвөн арга хэмжээг зохион байгуулахаар төлөвлөж амжилттай зохион байгуулагджээ. Тэмцээнд аймгийн ЕБС-ийн болон Политехникийн коллежийн нийт 16 сургуулийн 120 гаруй сурагч оролцсон байна.

             Цогцолбор тэмцээн биеийн тамирын нэгдүгээр норматив, буудлага, ой тогтоолт, багийн ажиллагаа, олс таталт гэсэн төрлүүдээр өрнөсөн аж. Хүүхэд залуучуудын эх оронч үзлийг төлөвшүүлэх, бие бялдрын хөгжлийг дэмжих зорилготой хэрэгжиж буй уг төслийн хүрээнд зохион байгуулагдсан спорт, оюун ухааны эхний үе шатны уралдаан тэмцээнд нийлбэр дүнгээр Нэгдүгээр сургууль тэргүүлжээ. Харин хоёрдугаар байрт Есдүгээр сургууль, гуравдугаар байрт Орхон сумын VIII сургууль тус тус шалгарсан байна.