“Женко” клубийн өсвөрийн тамирчин, Сонгинохайрхан дүүргийн Улсын тэргүүний 62 дугаар сургуулийн 12 дугаар ангийн сурагч Батсуурийн Ням-Эрдэнэ “Шилдэг сурагч” болсон байна. Тэрбээр жүдо бөхийн өсвөр үеийн ДАШТ-ээс хүрэл медаль хүртсэн амжилтаараа “Бөртэ чоно 2022”-ын “Шилдэг залуу тамирчин”-д нэр дэвшээд байгаа аж.

Б.Ням-Эрдэнэ өсвөрийн ДАШТ-ээс гадна Ливан Улсад зохиогдсон өсвөр үеийн Ази тивийн аварга шалгаруулах тэмцээнээс хүрэл медаль, ОХУ-д зохиогдсон Азийн хүүхдийн их наадамд амжилттай оролцож хүрэл медаль хүртсэн амжилт гаргасан байна.