• Өнөөдөр 2023-02-01

Манай шатарчид Испанийн тэмцээнд амжилттай оролцлоо

2022-12-09,   101

 

      Испани Улсын Сант Бой хотод Европ тивийн хамгийн том цар хүрээтэй “Elllobregat” олон улсын тэмцээн амжилттай болж өндөрлөв. Тус тэмцээний мастеруудын “А” ангилалд нийт 44 орны 175 шатарчид, “Б” ангилалд 17 орны 50 шатарчид тус, тус оролцсон байна. Монгол Улсаас их мастер А.Энхтуул “А” ангилалд мөн түүний шавь дэд мастер К.Жаннур “Б” ангилалд амжилттай оролцлоо.

       Тэмцээний мастеруудын “А” ангилалд эмэгтэй шатарчид эрчүүдтэй өрсөлдөж, тэднээс хамгийн сайн тоглосон таван шатарчдын нэгээр Сэлэнгэ аймгийн тамирчин, Дотоодын цэргийн 805-р ангийн ахлах ахлагч, их мастер А.Энхтуул шагналт дөрөвдүгээр байр болон блиц буюу түргэн тоглолтын тэмцээнд хоёрдугаар байрыг эзэлсэн сайхан амжилт гаргажээ. Тэрээр шагналын тавцанд эмэгтэйчүүдийн ес дэх шатрын дэлхийн аварга, их мастер Стефанова Антоанета болон энэ цаг үеийн шилдэг залуу их мастеруудын хамт мөр зэрэгцэн зогслоо.

      Харин “Б” ангилалд Баян-Өлгий аймаг, “Элит Брэйн” олон улсын шатрын академийн тамирчин, спортын дэд мастер К.Жаннур мөн эрчүүдтэй өрсөлдөж олон улсын чансаагаа 82 оноогоор ахиулжээ. Тус тэмцээний хаалтын ажиллагаанд Сант Бой хотын дарга болон Испани Улсын шатрын холбооны ерөнхийлөгч тэргүүтэй зочид оролцсон байна.

 


Манай шатарчид Испанийн тэмцээнд амжилттай оролцлоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188