Колумба Улсын Богота хотноо хүндийн өргөлтийн насанд хүрэгчдийн 2022 оны  “IWF”-ийн дэлхийн аварга шалгаруулах тэмцээн эхэллээ. Энэ удаагийн дэлхийн аварга арванхоёрдугаар сарын 5-16-ны өдрүүдэд болно.  Тус дэлхийн аваргад 95 орны 545 тамирчин өрсөлдөж байна.

        Эмэгтэйчүүдийн 55 кг-ын жинд өрсөлдөх манай тамирчин Э.Энхтамирын тэмцээн өнөөдөр эхэлж байгаа юм. Манай улсаас 59 кг-д Б.Хонгорзул, 64 кг-д ОУХМ. Г.Анужин, 76 кг-д О.Дархижав, 87 кг-д дэлхийн аварга, гавьяат тамирчин М.Анхцэцэг оролцоно. Харин багийн дасгалжуулагчаар гавьяат дасгалжуулагч Цэнхэржавын Хосбаяр, ОУХМ Б.Золбаяр, шүүгчээр ОУХМ, олон улсын шүүгч Л.Одгэрэл нар оролцож байна.