Катар 2022 дэлхийн аварга шалгаруулах тэмцээний шөвгийн 16-ын тоглолт боллоо. Япон, Хорватын багийн тоглолт ширүүн өрсөлдөөнтэй явагдсан. Тоглолтын эхний гоолыг Японоос Даизэн Маэда оруулсан. Гэвч хоёрдугаар үе эхлээд удаагүй байхад Перишич мөргөж, тооны харьцааг тэнцүүлсэн. Хоёр баг үндсэн 120 минут тоглоход 1:1-ийн харьцаатай тэнцсэн. Ялагчийг торгуулийн цохилтоор тодруулах болсон юм.

        Хорватын шийдвэрлэх хожлын цохилтыг Марио Пашалич оруулж, тэд шөвгийн наймд шалгарав. Хорватын хаалгач Доминик Ливакович ДАШТ-ий түүхэнд үлдэх гайхалтай тоглолтыг толиллууллаа. Тэрбээр Такүми Минамино, Майа Йошида, Каорү Митома нарын торгуулийн цохилтыг хаасан юм.