Жүдо бөхийн Токиогийн их дуулгад  62 орны 355 жүдочид оролцоно. Энэ удаагийн тэмцээний шигшээ барилдаан энэ сарын 3-ны өдрийн 14:15 цагаас эхэлнэ. Эрэгтэйчүүдийн 60 кг-ын “А” хэсэгт Б.Цогт-Очир сугалаа татсан. Тэрбээр эхний тойрогт Украины Дилшот Халматовтой таарсан. Түүнийг ялах юм бол Францын Revol Ceclric, Чехийн David Pulkrabek хоёрын ялсантай хоёрдугаар тойрогт барилдана. Энэ хэсэгт Тайваний Yang Yung Wei, Японы Кондо Хаяато нарын шилдгүүд оржээ.

         Харин 60 кг-ын “D” хэсгийг ОУХМ Э.Ариунболд толгойлон барилдана. Тэрбээр эхний тойргийн барилдаанд гоц мөргөн ялалт авсан. Хоёрдугаар тойрогт Японы Fukuda Yamato, Киргизстаны Berdibekov Temirkul хоёрын хожсонтой барилдах юм. Ё.Басхүү 66 кг-ын “А” хэсгийг толгойлон барилдана. Тэрбээр нэгдүгээр тойрогт гоц мөргөн ялалт авсан. Хоёрдугаар тойрогт Польшийн Wawrzyczek Patruk-тай барилдах боллоо. Энэ жингийн “D” хэсгийн нэгдүгээр тойрогт Б.Нармандах гоц мөргөн ялалт авлаа.  Гавьяат тамирчин Ц.Цогтбаатар 73 кг-ын жингийн “А” хэсгийн нэгдүгээр тойрогт Киргизстаны Чингисхан Сагяналиевтэй барилдана.

       Эмэгтэйчүүдийн 48 кг-ын жинд манай улсаас бөх барилдахгүй. Харин 52 кг-ын жингийн “В” хэсгийг Л.Сосорбарам толгойлон барилдана. Тэрбээр эхний тойрогт гоц мөргөн ялалт авсан. Хоёрдугаар тойрогт Францын Леоние Гонзалез, Индонезын Махарани Маряам, Марч нарын ялсантай таарна. Л.Энхрийлэн 57 кг-ын “В” хэсгийг толгойлон барилдана. Нэгдүгээр тойрогт гоц мөргөн ялалт авсан. Хоёрдугаар тойрогт тэрбээр Австралийн  Таялор Чарисма, Туркменстаны Парчиаяева Маяса нарын хэн ялсантай барилдана.