Тулгар төрийн 2231, Их Монгол Улс байгуулсны 816 жил, эзэн богд Чингис хаан мэндэлсний 860 жилийн ой, Монгол бахархлын өдрийг тохиолдуулан Монгол Улсын Ерөнхийлөгчийн 2022 оны арваннэгдүгээр сарын 22-ний өдрийн 212 зарлига гаргажээ.

       Биеийн тамир, спортын салбарт үр бүтээлтэй ажиллаж, үнэтэй хувь нэмэр оруулан эх орныхоо нэрийг олимп, тив, дэлхийн тавцанд дурсгасан тамирчин, дасгалжуулагч, спортын зүтгэлтнүүдэд төрийн дээд цол, одон медаль гардуулах ёслол өчигдөр Спортын төв ордны “А “зааланд болсон байна. "Белград-2022" ДАШТ-ий мөнгөн медальт ОУХМ Батхуягийн Хулан, хүрэл медальт ОУХМ Занданбудын Занабазар, ОУХМ Нармандахын Наранхүү нар "Алтан гадас" одонгоор шагнуулжээ.