Улс тунхагласны 98 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх тив, дэлхийн тэмцээнд онцгой амжилт гаргаж, эх орныхоо нэр алдрыг өндөрт өргөсөн тамирчид, багш, дасгалжуулагчийг өнөөдөр төрийн дээд цол, одонгоор шагнав. Буудлагын дэлхийн аваргын хошой мөнгөн медальт, Ази тивийн аварга, Азийн наадмын мөнгө, хүрэл, универсиадын хошой мөнгөн медальт, Зүүн Азийн наадмын аварга ОУХМ Цогбадрахын Мөнхзул Монгол Улсын гавьяат тамирчин боллоо.