Сербийн Улсын нийслэл Белград хотноо болсон чөлөөт бөхийн ДАШТ-ий мөнгө, Осло 2021 ДАШТ-ний хүрэл медальт ОУХМ Мөнхтөрийн Лхагвагэрэл Монгол Улсын гавьяат тамирчин болж цол, тэмдгээ гардан авлаа. Тэрбээр Белградын ДАШТ-ий 125 кг-д хүчээ сорьж Туркийн алдарт бөх Таха Акгюльтай алтан медалийн төлөө өрсөлдөж 6:2-оор хожигдож, мөнгөн медаль хүртсэн билээ. Дэлхийн аваргын мөнгө, хүрэл медальт М.Лхагвагэрэл ийнхүү Монгол Улсын гавьяат тамирчин боллоо.