Дархан-Уул аймгийн ИТХ-ын даргын 2022 оны арваннэгдүгээр сарын 17-ны өдрийн А/12 дугаар захирамжаар аймгийн ИТХ-ын найм дахь удаагийн бүрэн эрхийн ээлжит бус арвангуравдугаар хуралдааныг энэ сарын 23-ны өдөр зарлан хуралдуулж байна.

   Хороодын үйл ажиллагааны журмын дагуу хуралдаанаар хэлэлцэх асуудлыг урьдчилан бэлтгэх, санал дүгнэлт гаргах, хурлын тогтоол шийдвэрийн биелэлтийг хянан шалгах чиг үүргийн дагуу аймгийн ИТХ-ын Нийгэм, цахим бодлогын хөгжлийн хорооны төлөөлөгчид эрхлэх асуудлын хүрээнд  “Биеийн тамир спортыг хөгжүүлэх төсөл”-тэй танилцаж, дүгнэлт гаргажээ. Дүгнэлтийг аймгийн ИТХ-ын хуралдаанд танилцуулах бөгөөд хурлын шийдвэрт томоохон үүрэг гүйцэтгэх аж.