Хөлбөмбөгийн дэлхийн аварга шалгаруулах тэмцээний нээлтийн ёслолын арга хэмжээ өнөөдөр орон нутгийн цагаар 17.30 цагаас "Аль Баят" хэмээх 60 мянган хүний суудалтай цэнгэлдэхэд болох гэж байна. Тэмцээний эхний тоглолт зохион байгуулагч орон болох Катар болон Эквадорын багийн хооронд болно.

     Дэлхийн дөрвөн удаагийн аварга Герман Улсын шигшээ баг, 2010 оны дэлхийн аварга Испани Улсын шигшээ багтай “Е” хэсэгт оноолт таарчээ. Өөр нэг сонирхол татах тоглолт гэвэл “В” хэсэгт хуваарилагдсан АНУ, Иран Улсын шигшээ багууд байх болов уу. Энэ хэсэгт Англи Улсын шигшээ баг бий.

    Дэлхийн таван удаагийн аварга Бразил Улсын баг “G” хэсэгт Серби, Камерун, Швейцарь Улсын багуудтай таарсан байна. Харин Португаль Улсын баг “H” хэсэгт Уругвай, Өмнөд Солонгос, Гана Улсын багтай тоглоно. Катар 2022 дэлхийн аварга шалгаруулах тэмцээний аварга баг арванхоёрдугаар сарын 18-ны өдөр тодорно

    Дэлхийн аваргын нээлтийн ёслолын ажиллагааны үеэр “ФИФА 2022” ДАШТ-ий албан ёсны дуу "DREAMERS"-ийг Өмнөд Солонгосын “BTS” хамтлагын гишүүн Jung Kook болон Катарын дуучин Fahad Al Kubaisi нар дуулах аж. Мөн нээлтийн арга хэмжээнд Nicki Minaj, Maluma, Myriam Fares нарын уран бүтээлчид ая дуугаа өргөх юм байна.