А.Азбаяр дэлхийн чансааг тэргүүлэгч дэлхийн аваргыг буулган авлаа

2022-11-17, 811

Мексик Улсын Гуадалахара хотод зохион байгуулагдаж буй таэквондогийн насанд хүрэгчдийн ДАШТ-ний эхний өдөр эрэгтэйчүүдийн -80 кг жинд Үндэсний шигшээ багийн тамирчин А.Азбаяр тулалдав. Тэрбээр эхний тулаандаа тус жинг тэргүүлэгч, дэлхийн аварга, энэ оны гран при тэмцээний хошой аварга, Италийн Симона Алессог ялж дуулиан тарьсан.

А.Азбаяр шигшээ 16-д 2018 оны Европын наадмын аварга Туркийн Картал Хусейнийг мөн ялж медалийн төлөө тулалдах эрхээ авсан юм. Хүрэл медалийн төлөөх тулаанд Азийн клубүүдийн аваргын хошой мөнгөн медальт Ираны Б.Мехрантай эн тэнцүүхэн тулалдаж ялагдсанаар ДАШТ-ий шагналт тавдугаар байрт орсон. Энэ жил 17 настай А.Азбаярын хувьд насанд хүрэгчдийн ДАШТ-ий тавдугаар байр эзэлсэн монголын гурав дахь тамирчин болж буй бөгөөд хэдхэн сарын өмнө Азийн залуучуудын аварга шалгаруулах тэмцээнээс хүрэл медаль хүртсэн юм.

А.Азбаяр дэлхийн чансааг тэргүүлэгч дэлхийн аваргыг буулган авлаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид