Улаанбаатар хотноо үргэлжилж буй сагсан бөмбөгийн Ази тивийн аварга шалгаруулах тэмцээний урьдчилсан шатны тэмцээнд Монголын шигшээ эхний тоглолтоо хийлээ. Манай өрсөлдөгч нь цагтаа ДАШТ-д оролцож явсан, тивийн аваргад 24 удаа тоосоо өргөсөн Малайзын хүчтэй баг байв.

Монгол, Малайзын тоглолт өрсөлдөөнтэй боллоо. Энэхүү тоглолтод Монголын шигшээ төгсгөлийг гайхалтай хийснээр 94:92-оор ялалт байгууллаа. Шигшээ багийн лидер Т.Санчир 36 оноогоор бүх тоглогчийг тэргүүлж, багийнхаа эхний ялалтад чухал үүрэг гүйцэтгэв. Түүнчлэн Б.Билгүүн, О.Энхбаатар 12, А.Ананд 10 оноо нэмэрлэсэн юм. Маш чухал хожил байгуулсан Монголын шигшээ баг дараагийн тоглолтоо өнөөдөр 18:30 цагт Таитигийн эсрэг хийнэ. Монгол, Малайзын багийн тоглолтын сүүлд 17 секунд дутуу байхад 92-91-ээр Малайзын баг илүү байхад О. Сэргэлэн бөмбөг тасалж энэ тоглолтын гол ялалтын түлхүүр болсон юм.