Ази тивийн аварга шалгаруулах боксын тэмцээний эмэгтэйчүүдийн шигшээ тулаанууд өндөрлөж 12 жингийн 12 аварга тодорлоо. 48 кг-д Казахстаны Алуа Валкивекова, 50 кг-д  Вьетнамын Ти Там Нгуен, 52 кг-д Японы Киношита Ринка, 54 кг-д Казахстаны Жайна Шекервекова, 57 кг-д Казахстаны Карина Ибрагимова алтан медаль хүртсэн байна.

Эмэгтэйчүүдийн 60 кг-д манай залуу боксчин Т.Номин-Эрдэнэ, Азийн наадмын аварга  Өмнөд Солонгосын боксчин Ёон Жи Оход 5:0-ээр оноогоор хожигдож мөнгөн медаль хүртэв. Өмнөд Солонгосын Ёон Жи Ох 60 кг-д , 63 кг-д Энэтхэгийн Парвийн, 66 кг-д Узбекистаны Хамидова Навбахор, 70 кг-д Тайванийн Ниен Чин Чен, 75 кг-д  Энэтхэгийн Ловлина Боргохойн, 81 кг-д Энэтхэгийн Савийти, +81 кг-д Энэтхэгийн Алфия Тараннум нар тус тусын өрсөлдөгчдөө ялж Ази тивийн аваргын алтан медаль хүртжээ.