Спортын гимнастикийн Улаанбаатар хотын аварга шалгаруулах тэмцээн болно. Энэ удаагийн тэмцээн Спорт цогцолборт байрлах гимнастикийн төв зааланд энэ сарын 12-13 -ны өдрүүдэд зохион байгуулагдана. Спортын гимнастикийн 2022 оны Улаанбаатар хотын аварга шалгаруулах тэмцээнийг зэргийн ангиллын, хэрэглэл тус бүрийн шигшээ, газардалтын шигшээ тэмцээн гэсэн гурван төрлөөр явуулна.

     Зэргийн ангиллын тэмцээнд эрэгтэй ес зэрэг, эмэгтэй 11 зэргийн ангиллаар зохион байгуулах юм. Эрэгтэй тамирчид хөвгүүдийн акробатикийн зэрэг, хөвгүүдийн  6-7 нас, найман нас, есөн нас, 10-11 нас, спортын гуравдугаар зэрэг, спортын дэд мастер, спортын мастер, олон улсын хэмжээний мастерын есөн зэргээр өрсөлдөнө.  Эмэгтэй тамирчид охидын акробатикийн зэрэг, охидын зургаан нас, долоон нас, найман нас, 9-10 нас, 11 нас, 12 нас, спортын хоёрдугаар зэрэг, спортын нэгдүгээр зэрэг, спортын дэд мастер, олон улсын хэмжээний мастерын 11 зэргээр өрсөлдөнө.

      Хэрэглэл тус бүрийн шигшээ тэмцээн эрэгтэй тамирчид чөлөөт хөдөлгөөн, бариултай морь, суга савлуур гэсэн гурван  хэрэглэлд эхний өдрийн тэмцээний I-VI байрт шалгарсан тамирчид өрсөлдөх юм. Харин эмэгтэй тамирчид  дамжуурга, чөлөөт хөдөлгөөн гэсэн хоёр хэрэглэлд эхний өдрийн тэмцээний I-VI байрт шалгарсан тамирчид өрсөлдөнө. Газардалтын шигшээ тэмцээнд "С" группийн элементийн газардалтаар хасагдах журмаар өрсөлдөхөөр зохион байгуулах юм байна.