ОХУ-ын Улаан-Үд хотод  аравдугаар сарын 28-30-ны өдрүүдэд  2011, 2012 онд төрсөн 10, 11 настай хүүхдүүдийн дунд шайбтай хоккейн “ЗОЛОТАЯ НЕРПА” “Алтан далайн хав” олон улсын тэмцээн амжилттай зохион байгуулагдлаа.

     Энэхүү тэмцээнд Монгол Улсаас оролцсон “Мэргэн” хоккейн академийн “БАМБАРУУШ” баг ОХУ-ын Эрхүү, Чита, Забайкалск, Улаан-Үд хотын “Ice Барс”, “Юность”, “Байкал”, “Чита-1”, “Чита-2”, “РСШОР”, “Сарма” гэсэн долоон багтай өрсөлдсөн байна. Манай баг  дөрвөн  хожил, нэг тэнцээтэйгээр багаараа тэргүүн байр эзэлж, алтан медаль хүртэн, цомын эзэн болжээ.