Мальт Улсын Мелльеха хотноо энэ сарын 20-30-ны өдрүүдэд шатар сонирхогчдын 2022 оны дэлхийн аварга шалгаруулах тэмцээн амжилттай зохион байгуулагдаж өндөрлөв. Энэ жилийн дэлхийн аварга шалгаруулах тэмцээнээс Монголын гурван шатарчин дэлхийн аварга цол хүртэж бахдамаар, бахархамаар амжилт гаргалаа.

      “W1700” ангилалд Э.Маргадгуа,  “U1700” ангилалд С.Төгөлдөр, “U2000” ангилалд Н.Содбилэгт нар дэлхийн аварга боллоо.  “W1700” ангилалд   дэлхийн аварга цол хүртсэн  “AB Chess” академийн тамирчин Э.Маргадгуа есөн өргөөс 8.5 оноо авч нэг тойргийн өмнө түрүүлэх болзолоо хангасан . “U2000”  ангилалд дэлхийн аварга цол хүртсэн “AB Chess” академи, “Монполимет” группын тамирчин Н.Содбилэгт есөн өргөөс 9.0 хожил авч нэг тойргийн өмнө мөн л түрүүлэх болзолыг хангасан юм.  “U1700”  ангилалд дэлхийн аварга цол хүртсэн Өмнөговь аймгийн тамирчин С.Төгөлдөр есөн өргөөс 7.5 оноо авч түрүүлсэн.