Дархан-Уул аймгийн Биеийн тамир, спортын газар, аймгийн Үндэсний бөхийн холбоотой хамтран сар болгон зохион явуулдаг тойргийн барилдаан энэ сарын.27 -ны өдөр спортын ордонд зохион байгуулагдлаа. Энэхүү барилдаанд  аймгийн арслан  Х.Чинбат, аймгийн заан Ж.Бадрал, аймгийн харцага Э.Түмэн-өлзий, аймгийн начин М.Даваадалай, аймгийн начин Д.Энхтүвшин, аймгийн начин Л.Мөнхтулга нараар манлайлуулсан 18 бөх, хоёр зоонд хуваагдаж  барилдсан юм.

        Барилдааны “А”-зооны нэгдүгээр байраар аймгийн харцага Э.Түмэн-Өлзий, хоёрдугаар байраар сумын заан Д.Батбаяр, гуравдугаар байраар сумын заан Б.Цагаанбанди нар шалгарч гарав. Харин  “Б”-зооны нэгдүгээр байраар сумын заан М.Пүрэвжаргал, хоёрдугаар байраар аймгийн заан Ж.Бадрал, гуравдугаар байраар сумын заан Б.Мэндбаяр нар шалгарсан.

         Хоёр зооноос гарсан бөхчүүд аваргын төлөө хоорондоо хүч үзэж аваргаа тодрууллаа. Тус барилдааны тэргүүн байранд  Дархан-Уул аймгийн Хонгор сумын харьяат  Дархан төмөрлөгийн үйлдвэр, “Дархан хайрхан дэвжээ”-ний бөх сумын заан М.Пүрэв-жаргал шалгарсан. Хоёрдугаар байранд Увс аймгийн Түргэн сумын харьяат "Увс нуур Дэвжээ”-ний бөх сумын заан Б.Цагаанбанди, гуравдугаар байранд Увс аймгийн Малчин сумын харьяат  Дархан-Уул аймгийн ОБЕГ-ын гал унтраах 22 дугаар анги " Дархан хайрхан дэвжээ”-ний бөх аймгийн харцага Э.Түмэн-өлзий нар орлоо.