Тайланд Улсын нийслэл Бангкок хотод энэ сарын 21-23-ны өдрүүдэд болсон Тайландын аварга шалгаруулах  усанд сэлэлтийн тэмцээнд ОУХМ Батбаярын Энххүслэн амжилттай оролцсон байна. Б.Энххүслэн Тайландын аварга шалгаруулах тэмцээний 100, 200, 800 м-ийн зайд гурван алт, 100, 200 м-ийн зайд хоёр мөнгөн медаль хүртжээ.

   Тэрбээр зургаан зайд Монгол Улсын рекорд амжилтыг шинэчлэн тогтоосноос гадна 200 метрийн өврөөр даллах сэлэлтээр 1:58.23 цагийн амжилтаар дэлхийн аваргын "B" цагийг биелүүлсэн Монгол Улсын анхны тамирчин боллоо.