Буудлага спортын дэлхийн аварга шалгаруулах  53 дахь удаагийн тэмцээн Египет Улсын Каир хотноо үргэлжилж байна. Энэ удаагийн тэмцээн "Парис-2024" Олимпын эрхийг олгох тул олимпын дасгал тус бүрт эхний дөрвөн байрт орсон тамирчид 88 орны 1088 мэргэн буучид цэц сорьж байгаа юм.

    Кайрын "галын шугаманд"манай Монголын буудлага спортын шигшээ баг өргөн бүрэлдэхүүнээр оролцож буй. Өнөөдрийн байдлаар манай тамирчдаас хамгийн сайн амжилтыг хийн гар бууны эмэгтэй баг үзүүлээд байна. Манай эмэгтэй баг урьдчилсан буудалтад 853-25 оноо авчээ. Ц.Анударь 286, Э.Хишигдэлгэр 285, Т.Баярцэцэг 282 оноо авч  20 багаас шигшээ наймд шалгарсан. Ингээд хоёр дахь шатанд буюу шигшээ наймд 567-17х оноо авч дөрөвт эрэмбэлэгдэн хүрэл медалийн төлөө өрсөлдсөн боловч Ираны багт 14:16 -аар ялагдан дөрөвдүгээр байрт орлоо.