Дэлхийн аварга шалгаруулах тэмцээний дараагийн том тэмцээн болох жүдо бөхийн "Абу Даби-2022" их дуулгын тэмцээн  энэ сарын 21-23-нд болно. Энэ удаагийн тэмцээнд дэлхийн 65 орны эрэгтэй 243, эмэгтэй 176, нийт 419 жүдочид оролцох мэдүүлгийг одоогоор өгсөн байна.

     Тус тэмцээнийг “С1” телевиз албан ёсны онцгой эрхтэйгээр эх орон даяар 20:45 минутаас шууд дамжуулна. Тэмцээн эмэгтэй 48, 52, 57, 63, 70, -78, +78 кг-ын жингээр, эрэгтэй 60, 66, 73, 81, 90, -100, +100 кг-ын жингийн ангиллаар явагдана. Энэ удаагийн их дуулга тэмцээнд бэртлээс эргэн ирж буй ОУХМ Сосорбарам 52 кг-ын жиндээ барилдана.