Монгол. Өмнөд Солонгос, ОХУ-н өсвөрийн баг тамирчдын нөхөрсөг уулзалт багийн халз барилдаан Спортын төв ордонд амжилттай зохион байгуулагдаж өндөрлөлөө. Тэмцээнд дөрвөн хотын есөн багийн 64 тамирчин оролцож, авхаалж самбаагаа сорьсон юм. Тус тэмцээнд “Алтайн Хүчтэн” дэвжээ, “Монголын жүдо академи”, “Арслан дэвжээ”,  “Тэмүүжин” клуб, “Женко” клуб, “Мон-Алтиус” ахлах сургууль, Өмнөд Солонгос, ОХУ гэсэн найман баг оролцлоо.

     Нийслэлийн Биеийн тамир, спортын газар болон БНСУ-ын Сөүл хотын Жүдо бөхийн холбооны хооронд 2019 онд байгуулсан Санамж бичгийн хүрээнд уг тэмцээнийг энэ жил Улаанбаатар хотноо зохион байгуулж байна. Тус нөхөрсөг уулзалт, тэмцээн нь жүдо бөхийн спортыг сурталчлан хөгжүүлэх, ах дүү хотуудын баг тамирчид харилцан туршлага солилцох, өрсөлдөх, ур чадвараа дээшлүүлэхэд чухал ач холбогдолтой юм. Энэ удаагийн тэмцээний  алтан медалийг Өмнөд Солонгосын баг, мөнгөн медалийг “Мон-Алтиус” ахлах сургууль, хүрэл медалийг “Алтайн хүчтэн” дэвжээ тус тус хүртлээ.