Бахрайны Манама хотод хүндийн өргөлтийн Ази тивийн аварга шалгаруулах тэмцээн өчигдөр эхлэв. Эрэгтэйчүүдийн 50, эмэгтэйчүүдийн 31 дэх удаагийн тэмцээнд Монгол Улсаас дөрвөн тамирчин өрсөлдөж байгаа бөгөөд Э.Энхтамир огцом өргөлтийн төрөлд мөнгөн медаль хүртлээ. Тэрбээр огцом өргөлтөөр 86, 89, 92 кг-ыг өргөсөн юм. Харин 71 кг-ын жинд Г.Анужин,  76 кг-д Д.Дархижав, энэ сарын 14-ний өдөр гавьяат тамирчин М.Анхцэцэг өрсөлдөх юм байна.