Ташкент 2022 жүдо бөхийн дэлхийн аварга шалгаруулах тэмцээний гурав дахь өдөр залуучуудын дэлхийн аварга шалгаруулах тэмцээний мөнгөн медальт, дэлхийн цуврал гранд слам, гран при тэмцээний аварга, Үндэсний шигшээ баг, “Сүлд” спорт хорооны тамирчин ОУХМ Лхагватогоогийн Энхрийлэн эмэгтэйчүүдийн 57 кг-ын жинд хүрэл медаль хүртэв. Тэрбээр медальтай үлдэх эсэхээ шийдэх барилдаанд энэ жилийн Тбилисийн гранд сламын аварга, Өмнөд Солонгос бөх Хүх Мимитэй хүч үзэж "Golden Score"-д торгуулиар цэвэр ялж шагналын тавцанд зогсох эрхтэй боллоо.

    Л.Энхрийлэн монголын эмэгтэй жүдочдоос дэлхийн медальтан болсон долоо дахь тамирчин болж байна. Түүнээс өмнө нь Х.Эрдэнэт-Од, М.Бундмаа, М.Уранцэцэг, Ц.Мөнхзаяа, Д.Сумъяа, Б.Мөнгөнчимэг нар дэлхийн аварга шалгаруулах тэмцээнээс медаль хүртэж байсан билээ. Тэрбээр нэгдүгээр тойрогт гоц мөргөн ялалт авсан юм. Хоёрдугаар тойрогт Кристианне Легентилийг ялсан. Улмаар гуравдугаар тойрогт дэлхийн аварга Канадын бөх Дегүчиг нэмэлт цагт гурван торгуулиар илүүрхэн хожсон. Дагах тойргийн барилдаанд олимпын хүрэл медальт, дэлхийн хошой аварга Украины жүдочин Дариа Билодидтой барилдаж, базари үнэлгээгээр ялж хүрэл медалийн төлөө барилдах эрхтэй болсон. Ийнхүү Л.Энхрийлэн хүрэл медалийн төлөөх барилдаанд Өмнөд Солонгосын бөх Хух Мимиг ялж дэлхийн аваргын медальтан боллоо.