Софи-2001, Тегеран-2002 дэлхийн аварга шалгаруулах тэмцээний мөнгө, 2002 оны дэлхийн цомын хүрэл медальт, 2002 оны Азийн наадмын аварга, 1997 оны Ази тивийн аварга О.Пүрэвбаатарын нэрэмжит тэмцээн болно. Тэрбээр Зүүн Азийн наадмын аварга, Олон улсын "А" зэрэглэлийн тэмцээний  10 удаагийн аварга, Монгол Улсын гавьяат тамирчин билээ.  

     Оюунбилэгийн Пүрэвбаатарын нэрэмжит энэ удаагийн залуучуудын хөнгөн жингийн аварга шалгаруулах "Purevbaatar Cup" цомын тэмцээн энэ сарын 23-нд "Аврагч" спорт хорооны зааланд болно. 2009 оноос эхлэн жил бүр уламжлал болон зохиогдож байгаа юм.

Тэмцээнд 1999-2003 онд төрсөн 18-23 насны тамирчид оролцоно. Харин 2004 онд төрсөн тамирчид эмчийн дүгнэлт, эцэг, эхийн зөвшөөрөлтэйгээр орж болно. Тэмцээн 57 кг, 61 кг, 65 кг, 70 кг-ын ангиллаар явагдана. Тамирчид хоёр килограмын зөрүүтэйгээр жиндээ орохыг зөвшөөрнө.