"Китаонами" дэвжээний сүмоч  Тамаваши Б.Мөнх-Оргил 37 нас 10 сартайдаа макүүчи зиндаанд хоёр дахь түрүүгээ хүртсэнээр макүүчид хамгийн ахмад насандаа түрүүлсэн бөх болж түүх бичлээ.Энэхүү жагсаалтын эхний хоёрт монгол эрчүүд бичигдлээ. Түүний хувьд сумогийн дохёд хөл тавьсанаас хойш нэг ч барилдаан өнжөөгүй гэсэн амжилтад өнөөдрийн байдлаар 1463 барилдаанаараа гуравт жагсаж байна. Макүүчид анхны түрүүгээ хүртсэнээс хойш 22 башё буюу гурван жил гаруйн дараа дахин эзэн хааны цомыг өргөлөө.

    Үнэхээр гайхалтай биш гэж үү. Монгол эр хүний ид хавыг гайхуулан, ясны бөх гэдгээ батлан үе мултарсан залуусыг илүүрхэн давж 13:2-тай хоёр дахь түрүү макүүчи зиндааны монголчуудын 96 дахь түрүүгээ хүртлээ.