Өмнөд Солонгосын волейболын эмэгтэйчүүдийн лигийн 2022-2023 оны шинэ тамирчдыг сонгон шалгаруулах драфтын ажиллагаа Сөүл хотод боллоо. Тус шалгаруулалтад 49 залуу тамирчин оролцсон байна.  Драфтын эхний сонголтоор "Pepper Savings Bank" компанийн эзэмшдэг "Ai peppers" баг 18 настай монгол охин Орхоныг сонгосон байна.

  Түүний нэрийг Өмнөд Солонгосын хэвлэлүүд Er Hung гэж бичиж байгаа ба Солонгосын иргэншил авахаар хүлээгдэж байгаа аж. 2004 онд Улаанбаатар хотод төрсөн, 194.5 см өндөртэй  Орхон буюу Er Hung хэрэв Солонгосын иргэншил авбал Солонгосын волейболын эмэгтэй шигшээ багт тоглох боломжтой болно.