• Өнөөдөр 2024-03-29

Спорт авиралтын сургалт амжилттай боллоо

2022-08-22,   409

 

   Олимпын наадмын хөтөлбөрт албан ёсоор багтсан отгон төрөл бол спорт авиралт билээ. Олон улсад энэ спортоор сонирхон хичээллэгсдийн тоо өдрөөс өдөрт нэмэгдэж байгаа. Харин манай улсад энэ спортыг эрчимтэй хөгжүүлж буйн нэг баталгаа нь спорт авиралтын зуны сургалт юм.

  Энэүү сургалт нь Говь-Алтай аймгийн Тонхил суман дахь уулын спортын ууган мастер Я.Жанцангийн нэрэмжит “Сутайн бор” клубийн “Олимп” спорт авиралтын төвд болсон байна. Зуны сургалтад “Сутайн бор” клуб болон Алтай хот, Улаанбаатар хотоос нийт 20-н өсвөр, залуучуудын ангиллын тамирчид долоо хоногийн хугацаанд хамрагджээ.

  Сургалтыг “Сутайн бор” клубийн захирал Х.Нямдоо, дасгалжуулагч О.Сайханжаргал нар удирдан явуулсан байна. Эх орны алс баруун хязгаар нутагт олон улсын стандарт байгууламж дээр спорт авиралтын бэлтгэл анх удаа болж байгаа нь онцлогтой. Түүнчлэн спорт авиралтын спортыг түгээн дэлгэрүүлэх, залуу тамирчдыг олимпын наадамд бэлтгэх чухал ач холбогдолтой юм.

 


Спорт авиралтын сургалт амжилттай боллоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188