Олон улсын жүдо бөхийн холбоо (IJF)-ны календарьт багтдаг Турар Жолдешбаевын нэрэмжит Азийн цомын нээлттэй тэмцээн энэ амралтын өдрүүдэд 13-14-нд Казахстаны Актау хотод болно. Тус тэмцээнд Казахстан, Узбекистан, Монгол, Тажикстан, Хонконг, БНХАУ гэсэн зургаан орны 200-аад бөх оролцохоор мэдүүлгээ өгөөд байна.

  Тус тэмцээнд манай улсаас эрэгтэйчүүдийн 90 кг-ын жинд Б.Мөнхбаяр, -100 кг-д Б.Гончигсүрэн,  эмэгтэйчүүдийн 70 кг-д Ц.Энхчимэг, -78 кг-д Б.Эрдэнэт-Од гэсэн дөрвөн тамирчин зодоглохоор болов. Тус тэмцээний алтан медальтан 100, мөнгө 60, хүрэл 40 мянган тэнгээгийн мөнгөн шагнал хүртэх юм.