Монгол Улсаас Энэтхэг улсад суугаа онц Бүрэн эрхэт Элчин сайд Д.Ганболд дэлхийн шатрын 44-р олимпиадад амжилттай оролцсон Монголын баг тамирчдыг халуун дотноор хүлээн авч уулзжээ. Бүгд найрамдах Энэтхэг улсад суугаа Бүрэн эрхэт Элчин сайд Д.Ганболд болон Элчин сайдын консулын хамт олон Дэлхийн шатрын 44-р олимпиадад амжилттай оролцсон Монголын баг тамирчдыг хүлээн авч үдийн зоог барьж, найрсаг дулаан яриа өрнүүлсэн байна.

   Тус уулзалтын үеэр Энэтхэг Улсад шатрын тэмцээн уралдаан, арга хэмжээнд оролцохоор дараа дараачийн удаа хүрэлцэн ирвэл бүх талаар тусалж дэмжихээ Элчин сайд Д.Ганболд илэрхийлжээ. Мөн энэ үеэр Бүгд найрамдах Энэтхэг Улсад дипломат албаа нэр төртэйгөөр хашиж байгаа Элчин сайдын яамны хамт олонд Монголын шатрын баг хамт олны зүгээс  баярласан талархсанаа илэрхийлжээ.