Их мастер А.Энтуулд “Филидор-Мулхаус” мэргэжлийн шатрын клубээс Франц Улсын өмнөөс тоглох урилга иржээ. Франц Улсын хамгийн олон жилийн түүхтэй, мэргэжлийн буюу өндөр зэрэглэлийн шатарчид харьяалагддаг “Филидор-Мулхаус” шатрын клубээс Франц Улсын нэрийн өмнөөс болон тус клубийн өмнөөс тоглох санал ирсэн байна. Энэхүү урилгыг 44 дэх шатрын олимпиадад оролцож байх үеэр нь албан ёсны захидлаар дамжуулан илгээжээ.

    Хэрвээ саналыг зөвшөөрсөн тохиолдолд хамгийн эхэнд аравдугаар сард Австри Улсад зохиогдох "Европын цом"-ын багийн аварга шалгаруулах тэмцээнд Франц Улсын нэрийн өмнөөс “Филидор-Мулхаус” клубийг төлөөлөн оролцох шаардлагатайг урьсан тал мэдүүлжээ.

   Их мастер А.Энхтуулын энэ жил гаргасан амжилтын үр дүнг үндэслэхээс гадна, Энэтхэг Улсын Ченнай хотноо зохиогдсон 44 дэх дэлхийн шатрын олимпиадад нэгдүгээр ширээнд дэлхийн шилдэг шатарчидтай өрсөлдөж, “ТОП 20”-д багтсан амжилтыг нь харгалзаж, энэхүү саналыг хүргүүллээ хэмээн Францын талаас онцолсон байв.