Монголын цанын холбооны удирдлагууд БТСУХ-ны дарга Д.Жаргалсайхантай албан уулзалт хийжээ. Уулзалтаар дараах зүйлийг хэлэлцсэн байна. Үүнд "Милано Кортина-2026" өвлийн 25 дугаар цагаан олимпын наадамд Монгол Улс цанын спортын гүйлтийн төрлөөс гадна уулын цана, снөүбордын слалом, жайнт слалом, ski cross төрлөөр эрхээ авч амжилттай оролцуулах боломж.

   Цанын спортын төрлөөр гадаад улсад өндөр ур чадвартай боловсон хүчнийг бэлтгэн суралцуулах. Монгол Улсад олон улсын стандартын цанын бааз байгуулахад Засгийн газрын оролцоо чухал байгаа талаар ярилцсан байна. Мөн цанын спортыг Монгол Улсад хөгжүүлэх зарим асуудлыг ярилцаж, дээрх асуудлаар дэмжиж, хамтран ажиллахаа БТСУХ дарга Д.Жаргалсайхан илэрхийлжээ.

  Монголын цанын холбоо “Ganwon-2024” өвлийн наадам, өсвөр залуучуудын олимпын дөрөвдүгээр наадмын хөтөлбөрийн хүрээнд зургаан тамирчныг БНСУ-д хамтарсан бэлтгэлд хамруулсан байна.