Монголын Жүдо академи суралцагчдынхаа  ур чадварыг сайжруулахын тулд олон улсын тэмцээн уралдаан, хамтарсан бэлтгэлд тогтмол оролцдог билээ. Тэд Япон Улсад хамтарсан бэлтгэлд хамрагдаж байна.

  Жүдо академийн 17 хүний бүрэлдэхүүнтэй баг энэ сарын 7-ны өдөр эх орноосоо мордож Шизүока мужийн Изүнокүни хотод очжээ. Фүжи уулын өвөрт байрлах халуун рашаанаараа алдартай, байгалийн үзэсгэлэн цогцолсон энэ сайхан газар Изүнокүни хотын захирагчийн урилгаар хүрэлцэн очсон аж.

  Тэд  бэлтгэл хийж, жүдо бөхийн мэдлэгээ дээшлүүлэхийн хажуугаар япон соёл уламжлал, үндэсний онцлогтой танилцаж байгаа гэнэ. Бас эх орныхоо үнэт зүйлсийг сурталчилсан Монгол соёлын фестивалд оролцоод амжжээ.