"Парис-2024" зуны олимпын наадмын албан ёсны оноо олгох “Улаанбаатар их дуулга-2022” жүдо бөхийн олон улсын тэмцээний талаар мэдээлэл өглөө. Энэ сарын 24-д буюу баасан гарагт тэмцээн эхлэх бөгөөд манай улсын 56 тамирчин зодоглох аж. Түүнчлэн ахлах дасгалжуулагчаар МУГД Х.Болдбаатар ажиллаж буй юм. Тэмцээнд 30 орны 260 тамирчин оролцохоос ОХУ-ын тамирчид Олон улсын жүдо бөхийн холбооны далбаан дор барилдахаар болжээ.  Шигшээ багийн тамирчинд он гарснаас хойш Орос, Франц, Бельги, Израилын тамирчидтай бэлтгэл хийсэн бөгөөд залуу тамирчдаа сойж байгаа талаар ахлах дасгалжуулагч Х.Болдбаатар дурдсан юм.