Монгол Улсын Үндэсний шигшээ баг /FIFA DAYS/ буюу ОУХБХ-ны өдрүүдийн хүрээнд эхний нөхөрсөг тоглолтоо Лаос улсын эсрэг хийсэн бол ээлжит өрсөлдөгч Бангладеш Улсын шигшээ багтай тоглохоор өчигдөр  тус улсыг зорьжээ. Манай шигшээ баг тоглолт явагдах Sylhet хотын "Sylhet District" цэнгэлдэх хүрээлэнд Ичиро Оцука дасгалжуулагчийн удирдлага дор бэлтгэл хийсэн байна. Өмнө нь 2002 оны ДАШТ-ий эрхийн төлөө Азийн бүсийн урьдчилсан шатны хэсгийн тоглолт Саудын Араб улсад явагдахад, Монголын шигшээ баг Бангладеш Улсын багтай 2001 оны хоёрдугаар сарын 12-нд 3:0-ээр ялагдал хүлээсэн ч хариу тоглолт  хоёрдугаар сарын 19-нд болж манай шигшээ багаас Д.Баярзориг 36', Б.Буман-Учрал 90+4' гоолуудыг оруулж 2:2-оор тэнцэж анхны оноогоо авсан түүхтэй билээ. Харин одоо  гурав дахь удаагийн өрсөлдөөн 2022 оны гуравдугаар сарын 29-нд Улаанбаатар хотын цагаар 20.00 цагаас явагдах юм байна.