Монголын хөлбөмбөгийн холбоо/МХБХ/-ноос орон нутгийн гишүүн холбоодод ангилалтай шүүгчдийг бэлдэх болон хөгжүүлэх зорилгын хүрээнд анхаарч орон нутагт сургалт зохион байгуулсан. Харин Баянхонгор аймагт энэ сарын 27-ноос гуравдугаар сарын 6-нд болох 21 аймгийн аварга шалгаруулах тэмцээнд МХБХ-ны ангилалтай шүүгчидтэй хамтран ажиллах орон нутгийн шүүгчдийн сургалт лхагва гарагт эхэллээ. Уг сургалтад нийт есөн аймгийн 18 оролцогч дөрөв хоногийн хугацаанд хамрагдаж шалгалт өгсөнөөр 21 аймгийн АШТ-ий өмнөх өдөр хамтран ажиллах найм хүртэлх шүүгчийн нэрсийг тодруулан, тэдэнд орон нутгийн С ангилалтай шүүгчийн батламж гардуулах юм байна. Тус сургалтын сургагч багшаар МХБХ-ны Шүүгчийн хэлтсийн дарга Д.Түмэнбаяр болон ОУХБХ-ны туслах шүүгч, АХБХ-ны элит туслах шүүгч Э.Галбадрах нар ажиллаж байгаа юм.