Катар Улсын Доха хотод үргэлжилж буй 14 дэх удаагийн буудлагын насанд хүрэгчдийн Ази тивийн аварга шалгаруулах тэмцээнээс  Хөдөлмөрийн баатар, Гавьяат тамирчин, олимпын мөнгөн медальт О.Гүндэгмаа олимпын эрх авав. Тэрбээр 25 метрийн спорт гар бууны төрөлд урьдчилсан буудлагад 587 оноогоор  IV байраар шалгарч “TOKYO 2020” Олимпод оролцох наадмын эрхийг хүртсэн.  Тэмцээний эхний өдөр ОУХМ  О.Есүгэн 10 метрийн хийн урт бууны дасгалд олимпын эрх аваад байсан билээ. Тэрбээр 3×40 дасгалд амжилттай оролцон, мөнгөн медаль хүртлээ.