Францын нийслэл Парис хотноо "Парисын их дуулга 2022" жүдо бөхийн цуврал тэмцээн зохион байгуулагдаж байгаа билээ. Тус тэмцээн хоёрдугаар сарын 5-нд эхэлсэн бөгөөд манай улсаас эрэгтэй найм, эмэгтэй таван тамирчин оролцож байгаа юм.  "Парис-2022" жүдо бөхийн энэ оны анхны Гранд Сламын сүүлийн өдөр эрэгтэйчүүдийн +100 кг-ын жинд "Хилчин" спорт хороо, МИАТ компаний тамирчин ОУХМ Одхүүгийн Цэцэнцэнгэл, “Баку-2018” ДАШТ-ий мөнгөн медальт Азербайжаны Ушанги Кокауриг боолт хийн цэвэр ялалт байгуулан Парисын тэнгэрт Монгол Улсын Төрийн дуулалаа эгшиглүүллээ.