“Токио-2020” олимпын наадамд оролцож буй Монголын 3х3 сагсан бөмбөгийн эмэгтэй баг тамирчид өнөөдөр 16:30 цагт Итали, 20:00 цагт Америкийн багтай тоглох гэж байна. Тэгвэл манай тамирчид маргааш 09:15 цагт Япон Улсын шигшээ багтай тоглох юм. Түүний дараа 13:00 цагт Оросын олимпын хорооны багтай тоглох хуваарьтай. Харин нөгөөдөр буюу долдугаар сарын 26-нд 09:40 цагаас Румын Улсын багтай толоно. Мөн өдрийн 16:30 цагт Францын багтай тоглох аж. Түүнчлэн долдугаар сарын 27-нд 12:55 цагаас Хятадын багтай тоглосноор хагас шигшээд шалгарах эсэх нь шийдэгдэнэ. “Токио-2020” олимпын наадмын 3х3 сагсан бөмбөгийн тэмцээн таван өдөр үргэлжилж, долдугаар сарын 28-нд медалийн төлөө тоглолтууд зохион байгуулагдаж, аваргууд тодрох юм.