Улсын баяр наадмаар долдугаар сарын 12-ны өдөр Дархан аварга Х.Баянмөнх, Б.Бат-Эрдэнэ нарын цолыг нь дуудаж, хүндэтгэл үзүүлэх ёслолын арга хэмжээг зохион байгуулна гэх мэдээлэл гарсан. Энэ талаар МҮБХ-ын нарийн бичгийн дарга Т.Түмэндэмбэрэлээс тодрууллаа.

“Тэрбээр Ардын хувьсгалын 100 жилийн ойгоор хоёр дархан аваргыг зүлэг ногоон дэвжээнд нь гаргаж цолыг дуудаж, хүндэтгэл үзүүлэх саналыг МҮБХ-ны цэцдийн зөвлөлөөс гаргасан. Яг тодорхой шийдвэрийг Баяр наадам зохион байгуулах үндэсний хороо дэмжсэн. Гэхдээ одоогоор тодорхой шийдвэр нь гарч албан ёсоор батлаагүй байна” хэмээлээ.