Унгар Улсын Будапешт хотын алдарт Ласло Паппаийн нэрэмжит ордонд хуваарь ёсоор өнөөдөр ДАШТ-ий эмэгтэйчүүдийн 70 кг, эрэгтэйчүүдийн 90 кг  жингүүдийн барилдаан явагдана. Тэгвэл манай улсаас эрэгтэйчүдийн 90 кг-д Гантулгын Алтанбагана, эмэгтэйчүүдийн 70 кг-д Цэрэндуламын Энхчимэг нар барилдана.

Таван өдрийн дараах байдлаар ДАШТ-ийг гурван алт, хоёр мөнгө, нэг хүрэл медаль хүртсэн амжилтаар Японы тамирчид тэргүүлж байна. Харин манай улс XII байрт явна. ДАШТ-д оролцож буй 118 орноос 21 орны тамирчид медаль хүртээд байгаа юм.