Эрүүл мэндийн яамнаас коронавирусийн халдварын нөхцөл байдлын талаар мэдээлэл хийж байна.

Энэ үеэр ХӨСҮТ-ийн дэд захирал Э.Тэмүүлэн “Сүүлийн 24 цагийн хугацаанд ХӨСҮТ, ЗӨСҮТ зэрэг 16 лабораторид17 мянган хүнд шинжилгээ хийлээ. Үүнээс 361 хүнд халдвар илэрч, батлагдсан тохиолдол 6693 боллоо. Халдвар авсан хүмүүсийн 319 нь Улаанбаатар хотод, 42 нь орон нутагт бүртгэгджээ. Ингэснээр нийслэлд бүртгэгдсэн халдварын тоо 5606 болж байна. Мөн сүүлийн 24 цагийн хугацаанд 87 хүн эдгэрч, гэрийн ажиглалтад шилжлээ. Ингэснээр батлагдсан тохиолдлын 63.3 хувь нь буюу 4237 хүн эдгэрээд байна” гэлээ. Мөн тэрбээр "ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэг болон дүүрэг, халдвар гарсан орон нутгийн аймгийн эмнэлгүүдэд нийт 1576 батлагдсан тохиолдол эмчлүүлж байна. Биеийн байдал хөнгөн 1359, хүндэвтэр 183, хүнд 27, маш хүнд долоон хүн байна" гэлээ.