ХӨСҮТ-ийн захирал Д.Нямхүү: “Монгол Улсад дархлаажуулалтын арван хоног эхэлсэн.  Жилд хоёр удаа энэхүү нэмэлт, нөхөн дархлаажуулалтыг  зохион байгуулдаг. Өөрөөр хэлбэл, вакцинаасаа хоцорсон хүүхдүүдийг  нөхөж  дархлаажуулах нь  маш чухал. Дэлхий дээр 68 улс орны   83 сая хүүхэд товлолын вакциндаа хамрагдах боломжгүй байна. Учир нь коронавирусийн халдварын үед хорио цээр тогтоосонтой шууд  холбоотой.   Монгол Улсын хувьд  НҮБ-ийн хүүхдийн сангаас   товлолын вакцинаа тусгай үүргийн онгоцоо ашиглаад авчраад байна. 2015-2016 оны хооронд 50 гаруй мянган хүүхэд залуучууд Улаанбурхан өвчнөөр өвдсөн.  Улаанбурханы вакцинд ороогүй, товлолын вакцинаа бүрэн хийлгээгүй хүүхдүүд тэр үед өвдсөн юм. Энэ нь вирус ямар ухаантай болохыг харуулж байна.  Мөн бид 2018, 2019 онд нөхөн дархлаажуулалт хийж, Улаанбурхан өвчний асуудалгүй болсон.  Иймд та бүхэн дархлаажуулалтын 10 хоногийн үед вакциндаа идэвхтэй хамрагдахыг уриалж байна" гэлээ.