ЭМЯ-ны хэлтсийн дарга Д.Нарангэрэл:  "Коронавируст халдвараар 4,250,000 хүн өвчилж, 286,000 хүн нас барсан байна. Мөн 1.5 сая хүн эдгэрч эмнэлгээс гарсан бол 2.4 сая хүн эмнэлэгт хэвтэн эмчлүүлж байна. Сүүлийн 24 цагт дэлхий дахинд 72,000 хүн шинээр халдвар авч, 3,000 гаруй хүн нас барсан байна.  Манай улсын хувьд өнөөдрийн байдлаар 27 хүн ХӨСҮТ-д хэвтэн эмчлүүлж байгаа. Өчигдөр ЗӨСҮТ-ийн баг ачааны хоёр онгоцыг тээвэрлэн ирсэн ачаатай нь ариутгасан.  Хөл хорионы дэглэмээ сулруулах цаг болоогүйг Ухань хотын жишээ харуулж байна. Тус хот короновирусын халдварыг хяналтандаа бүрэн авсан гэж үзээд аюулын эрсдлийн зэрэглэлээ бууруулсан.  Ийнхүү аюулын зэрэглэлээ бууруулаад 7 хоноогүй байхад Ухань хотод нэг байранд голомтлон 5 тохиолдол гарлаа  Мөн халдварын тархалтыг хяналтандаа авсан гэж байсан БНСУ-д дахин халдвар гарч 62 хүн өвчлөн 2 хүн нас барсан байна. ХБНГУ-д хөл хорио суларсны дараа өвчлөл нэмэгдэж байгааг мэдээллээ. Дэлхий дахины мэдээллийг харвал өвчлөлийн 43-50 хувь нь шинж тэмдэггүй хэлбэрээр явж байна. Шинж тэмдэггүй хэлбэрээр өвчлөх явцдаа олон хүнд халдвар тараах, өвчлөөд эдгэрсэн ч гэсэн коронавирусийн дархлал тогтох нь бага байгаа учраас хүн болгон би өртөмтгий гэж үзэн анхаарал болгоомжтой байх хэрэгтэй сануулж байна.