ХӨСҮТ-ийн ерөнхий захирал Д.Нямхүү:  "2020 оны 3 дугаар сарын 26-нд өвдөж, ХӨСҮТ-д эмчилгээнд орсон хоёр хүн эдгэрч, 40 гаруй хоног эмчлэгдээд дараагийн шатны эмчилгээнд шилжлээ.   Нийт батлагдсан тохиолдол 40 боллоо  Одоо эмчлэгдэж байгаа 28 хүн байна. Үүнд хатгаатай халуунтай хэд хэдэн хүн байна. Өндөр настай элэгний хорт хавдартай нэг хүн халдвар авсан байгаа. Өчигдөр гурван лабораторид 332 хүнд шинжилгээ хийлээ.  5 дугаар сарын 3-нд Франкфурт-Улаанбаатарын тусгай нислэгээр ирсэн 274 хүнд шинжилгээ хийснээс нэг хүнд коронавирусийн халдвар илэрлээ.  Ингэснээр Монгол Улсад нийт батлагдсан тохиолдол 40 боллоо.   Дархан-Уул аймгийн салбар лабораторид  Алтанбулаг боомтоор орж ирсэн ачаа тээврийн 21 жолооч болон  Завхан аймгаас тандалтын зорилгоор ирүүлсэн 3 сорьцод халдвар илрээгүй. Өнөөдрийн байдлаар ХӨСҮТ-д 101 хүн байна. Эмчилгээ, хяналт шинжилгээ хийгдэж байна" гэсэн мэдээллийг өглөө