COVID-19 халдварын анхны тохиолдол болж  манай улсад бүртгэгдсэн Франц улсын иргэн буюу олны нэрлэснээр "Анх-Отгон" өнөөдөр Улаанбаатар-Франкфурт чиглэлийн тусгай нислэгээр эх орондоо буцлаа. Түүнийг  ХӨСҮТ-ийн ерөнхий захирал Д.Нямхүү өөрийн биеэр үдэж гаргажээ. Тэрээр Монгол улсын засгийн газар эрүүл мэндийн салбарынханд баярласан талархаснаа илэрхийлж эсэн мэнд гэр орондоо буцаж байгаадаа баяртай байгаагаа илэрхийлжээ. Нямхүү захирал түүнд Монгол Улсаас вирусгүй болоод буцаж байгааг баталгаажуулаад  бээлийгээ тайлаад гар барилаа, маскаа тайлаад тэврэлдэж  эрүүл энх байхыг хүсэн ерөөлөө.  Франц иргэний хувьд  3-р сарын 10-нд халдвартай нь тогтоогдож ХӨСҮТ-д 47 хоногийн турш эмчилгээ хийлгэн  4-р сарын 26-нд эдгэрч эмнэлгээс гаран Энхсаран сувилалд үргэлжлүүлэн тусгаарлагдаж байсан юм