Эрүүл мэндийн даатгалын ерөнхий газраас  Ковид-19 цар тахлын  онцгой байдлын үед иргэдийг удаан хугацааны туршид хэрэглэдэг зарим эмээр тогтмол тасралтгүй хангах зорилгоор эдгээр эмийг борлуулах хүчин чадал бүхий эмийн санг сонгон шалгаруулжээ. Шалгаруулалтад нийт 13 аж ахуйн нэгжийн 22 эмийн сан оролцсоноос даатгуулагчдад үйлчлэх хүрээ, байршлыг харгалзан дараахь 4 аж ахуйн нэгжийн нийт 6 эмийн санг шалгаруулж даатгалын гэрээ байгуулсан байна. Үүнд :

1. Чингэлтэй дүүрэг МИЭК – Чингэлтэй эмийн сан

2. Сүхбаатар дүүрэг МИЭК – Төв эмийн сан

3. Сүхбаатар дүүрэг Азифарм – Сүхбаатар эмийн сан

4. Сүхбаатар дүүрэг Анхны нахиа эмийн сан

5. Баянгол дүүрэг Гашуунбулаг эмийн сан

6. Баянзүрх дүүрэг Гашуунбулаг фарм эмийн сан

Эдгээр эмийн сангаас иргэд эмчийн жорын дагуу эрүүл мэндийн даатгалын хөнгөлөлтөөр  уналт, таталтын эсрэг, бамбай булчирхайн даавар, түүний эсрэг эм, салга өвчнийг эмчлэх, нүдний чинэрээ эмчлэх зэрэг удаан хугацааны туршид хэрэглэх шаардлагатай эмээ авах боломжтой болно. Тус эмийн сангууд дараахь 40 гаруй худалдааны нэршил бүхий эмээр  өнөөдрөөс эхлэн иргэдэд үйлчилж эхлэнэ